Os sindicatos CCOO, UGT e a Empresa, os mesmos que compoñen a Xestora FONDITEL, decidiron suprimir as eleccións á Comisión de Control do Plan de Pensións e optaron por autonomearse os tres, membros permanentes da devandita Comisión de Control. Esta antidemocrática decisión supón un golpe ao Plan de Pensións de Telefónica, negándonos a todos os que pertencemos ao devandito Plan (Activos, Prexubilados, Xubilados e Beneficiarios) a posibilidade de elixirmos os nosos representantes e permite, ademais, que se poida dar o caso de que quen controle os nosos aforros nin sequera sexa da Empresa.
Por todo o anterior, os abaixo asinantes exiximos:
A retirada dos acordos da maioría do C.I. coa Empresa de suprimir as eleccións á Comisión de Control.
A convocatoria inmediata de Eleccións á Comisión de Control, porque:
As Eleccións son un dereito fundamental ao cal non podemos renunciar.
Non se pode privar a ninguén do seu dereito de representación máis básica (ser elector e elixíbel).
Non podemos permitir que os mesmos que xestionan o diñeiro, eliminen as Eleccións á Comisión de Control do Plan de Pensións.
O texto que precede foi avalado por máis de 13.000 sinaturas até o día de hoxe, das que os seus depositarios somos as organizacións que o subscribimos. Reiteramos a exixencia de celebración de Eleccións á Comisión de Control e a revogación da designación antidemocrática realizada pola maioría (CCOO e UGT) do Comité Intercentros.
Por iso, exiximos igualmente á Comisión de Negociación Permanente que non avale o atropelo que supón calquera modificación do Regulamento do Plan de Pensións.
Madrid, 12 de abril de 2005
|
