A CIG é un sindicato de clase que defende a identidade nacional de Galiza e a autoorganización dos traballadores e traballadoras, practica a solidariedade e o internacionalismo, considera un principio fundamental a democracia e a participación,respecta o pluralismo, mantén a independencia respecto de calquera outra organización ou institución, expresaseen galego e impulsa a nosa cultura e idioma.

As mobilizacións contra a reforma laboral e a das pensións, lonxe da cultura do pacto social que tanto beneficia o capital e as grandes empresas, mostran con claridade o carácter reivindicativo e de clase da CIG. Nós non traficamos con dereitos da clase obreira.

É esencial trocar a dinámica actual na que semarxina os traballadores, afastándoos da toma de decisións sobre os seus intereses. Só cando os traballadores recuperen o protagonismo que llescorresponde poderemos empezar a recuperarnos da perda permanente de dereitos.

A CIG sempre defendeu -e seguirá a facelo- os Comités de Empresa, as Asembleas de centro dos Comités Provinciais e as Asembleas Xerais. A participación directa dos traballadores/as permite coñecer e tratar os problemas entre todos e posibilita solucionalos dun xeito máis favorábel.

Votar CIG é defender o sindicalismo como a organización dos traballadores para a defensa dos dereitos e intereses colectivos e a mellora das condicións de traballo e de vida.

A CIG sempre se opuxo á destrución de emprego e á masiva externalización de actividades. Temos centrado o esforzo sindical en manter o emprego de calidade en Telefónica, que pasa por: mantemento da antigüidade, concreción das funcións para cada categoría laboral, mantemento do posto de traballo na localidade, dereito a rematar a vida laboral en Telefónica até a xubilación. Todo isto entra en contradición co modelo de Clasificación Profesional proposto pola empresa, dar a batalla contra esta cuestión será esencial nos vindeiros anos.

A carencia de traballadores en moitas unidades de traballo ten ocasionado numerosos desaxustes, ritmo insoportábel de quendas e gardas. Nestes últimos anos a empresa está a mover permanentemente o persoal, constantes reestruturacións organizativas, actividades que hoxe son prioritarias e mañá non, solapamento de funcións en moitos departamentos.

A CIG esixe da empresa que non se sigan a deteriorar as condicións laborais. Defendemos que en todas as localidades exista o persoal necesario de cada categoría.

Esiximos que se concedan traslados e se convoquen novas prazas para cubrir o déficit de persoal que fagan posíbel a conciliación da vida laboral e familiar.

Esiximos que se recupere a actividade externalizada e a creación de emprego de calidade.

Votar CIG é esixir un plan de emprego que garanta o noso futuro. Votar CIG é defender a permanencia do posto de traballo na localidade e que as funcións de cada categoría queden definidas. Votar CIG é defender o emprego de calidade en Telefónica.

A Negociación permanente foi empregada nestes anos a discreción, con prepotencia e con exclusión dos afectados, chegando incluso a modificar o Convenio para reducir o incremento salarial que estaba acordado. A negociación permanente é unha arma da Empresa para recortarnos dereitos.

A CIG, como defendeu sempre, mantén que os asuntos con contido normativo deben quedar pechados na Negociación Colectiva, que debe ser un proceso participativo que permita poñer en xogo a potencia reivindicativa dun cadro de persoal mobilizado, informado e unido.

Non se poden deixar abertas cuestións tan fundamentais como a Clasificación Profesional, así o
manifestamos no proceso de negociación da prórroga do Convenio, opoñéndonos a un texto que permitía modificar totalmente as nosas condicións laborais.

A CIG sempre busca a unidade sindical na defensa dos dereitos dos traballadores e traballadoras, esa foi a nosa resposta en ocasións tan graves como nos despedimentos durante a negociación do Convenio. Tamén agora esa é a nosa resposta diante dos últimos despedimentos, onde a empresa fai un uso abusivo da recente reforma laboral. Esiximos da empresa a readmisión dos despedidos e despedidas.

Votar CIG é garantir que os problemas que nos afectan se levan aos Comités para ser debatidos en todos os organismos que sexan necesarios.

Votar CIG é defender a Negociación Colect iva, rexei tando as mesas de negociación permanente.

Telefónica teima na individualización das condicións de traballo, nese escenario de “sálvese quen poida” só sairá beneficiada a empresa. Este é un dos elementos centrais da Clasificación Profesional: rachar coa defensa colectiva dos nosos dereitos impoñendo condicións diferentes para cada posto de traballo

Debemos concienciarnos de que a única defensa posíbel é a loita de clase fronte á empresa, e aquí non serven modelos que exclúen os traballadores e traballadoras da negociación para traficar cos nosos dereitos

A CIG defende a igualdade de dereitos colectivos para todas e todos.

Os procesos de selección e promoción son cada vez menos transparentes, por riba son utilizados en ocasións para mesturar funcións de diferentes categorías. Xa é unha constante que nas convocatorias non estean definidos nin os criterios que se consideran para facer a valoración dos
currículos. Na convocatoria de ABTC exclúese a RRTT dos tribunais de selección, non se define unha categoría laboral e sáltanse as normas para a concesión de traslados.

O principio de igualdade de oportunidades debe presidir estes procesos, para o que deben estar definidos e ser publicados os programas e os criterios xerais de avaliación, utilizando probas obxectivas e transparentes.

Votar CIG é defender a igualdade de oportunidades nos traslados e nos procesos de selección e promoción.